ماسکو(انٹرنیشنل ڈیسک)
یورپی یونین واشنگٹن کے اس فیصلے سے ناخوش ہے جس کے تحت روسی ڈیزل کی درآمد کی اجازت دی گئی ہے، اور ماسکو پر ۲۲ویں پابندیوں کا پیکج اپنانے کا ارادہ رکھتی ہے۔ یورپی یونین کی خارجہ پالیسی چیف کاجا کالاس نے یہ بات کہی۔ کالاس نے ایکس پر لکھا: ”روسی ڈیزل پر پابندیاں معطل کرنے سے ماسکو کو مزید آمدنی حاصل ہوتی ہے۔ یہ روس پر دباؤ کم کرنے کا وقت نہیں ہے، اور یورپ ایسا نہیں کرے گا۔ انہوں نے مزید کہا پیر کو یورپی یونین کے وزرائے خارجہ پابندیوں کی فہرستوں کا سب سے بڑا سیٹ منظور کرنے کا ارادہ رکھتے ہیں۔ ۸ اکتوبر کو یورپی یونین کے سفراء نے فوجی اور دوہری استعمال کے سامان کی پیداوار سے منسلک ۱۵۰۰ سے زائد کمپنیوں اور افراد کو بلیک لسٹ کرنے کی منظوری دی تھی۔ اس سے قبل امریکہ نے روسی ڈیزل کی درآمد پر اپنی پابندیاں اور عالمی منڈی میں اس کی فروخت پر ثانوی پابندیاں معطل کر دی تھیں۔
