ماسکو(انٹرنیشنل ڈیسک)
شمالی قبرص کی ترک جمہوریہ کے حکام کے مطابق اتوار کو سائیپرس کے ساحل پر 200 سے زیادہ مسافروں کو لے جانے والی ایک مسافر کشتی کے پلٹنے اور ڈوبنے سے کم از کم آٹھ افراد ہلاک ہو گئے۔ کیٹاماران قسم کی یہ کشتی مقبول سیاحتی بندرگاہ کیرینیا سے جنوبی ترکی کے لیے روانہ ہوئی تھی کہ اس میں پانی بھرنا شروع ہو گیا۔ ترک قبرصی اور ترک حکام نے متعدد سویلین کشتیوں، کوسٹ گارڈ کشتیوں اور ہیلی کاپٹروں کی مدد سے ریسکیو آپریشن شروع کیا۔ ترک صدر رجب طیب اردوان نے کہا کہ انقرہ نے شمالی قبرص کے حکام کے ساتھ مل کر ریسکیو کی کوششیں جاری رکھی ہیں۔ حکام نے ابھی تک اس بات کا تعین نہیں کیا ہے کہ کشتی میں پانی کیوں بھرا، جبکہ وزیر نے کہا کہ وجہ جاننے کے لیے کشتی کے بلیک باکس کا معائنہ کرنا ہوگا۔ کشتی کے کپتان اور سات عملے کے ارکان کو حادثے کی وجہ اور ممکنہ غفلت کی تحقیقات کے سلسلے میں حراست میں لے لیا گیا ہے.
