Connect with us

تازہ ترین

روسی صدر تاجکستان کے دورے پر دوشنبے پہنچ گئے

Published

on

روسی صدر تاجکستان کے دورے پر دوشنبے پہنچ گئے

روسی صدر تاجکستان کے دورے پر دوشنبے پہنچ گئے

دوشنبہ (صداۓ روس)
روس کے صدر ولادیمیر پوتن گزشتہ تین سالوں میں پہلی بار منگل کو سرکاری دورے پر تاجکستان کے دارالحکومت دوشنبہ پہنچے ہیں۔ اپنے اس دورے کے دوران روسی صدر تاجکستان کے صدر امام علی رحمان سے ملاقات کریں گے۔ ان کی ملاقات کوور کرنے کے لئے میڈیا کو شرکت کی اجازت ہوگی اور اس کے بعد دونوں رہنما ورک لنچ میں اپنی بات چیت جاری رکھیں گے جو ایک غیر رسمی ماحول میں ہوگا۔ توقع ہے کہ دوپہر کے کھانے کے بعد بھی بات چیت جاری رہے گی کیونکہ دونوں ممالک صدور کے پاس بحث کرنے کے لیے بہت سے اہم موضوع ہیں۔ روسی صدارتی معاون یوری اوشاکوف نے اس سے قبل نامہ نگاروں کو بتایا تھا کہ اس طرح کی ملاقاتوں میں روسی صدر اور امام علی رحمان رات گئے تک بات چیت کرتے رہتے ہیں۔

روسی صدر کے اس دورے میں مذاکرات کے ایجنڈے میں دوطرفہ اور بین الاقوامی دونوں امور شامل ہیں، یعنی متعدد شعبوں میں تعاون، افغانستان کی صورتحال اور دیگر علاقائی مسائل پر بھی بات چیت کی جائے گی. اس کے بعد روسی صدر بدھ کی صبح دوشنبہ سے ترکمانستان کے دارالحکومت اشک آباد جائیں گے جہاں وہ 29 جون کو ہونے والی کیسپین سمٹ سے خطاب کریں گے۔ اس تقریب میں آذربائیجان، ایران، قازقستان اور ترکمانستان کے رہنما بھی شامل ہوں گے۔ یہ صدر پوتن کا ذاتی طور پر کثیرالجہتی سربراہی اجلاس کا پہلا اور اس سال ان کا دوسرا غیر ملکی دورہ ہے۔ فروری میں انہوں نے چین کا دورہ کیا جو اولمپک اور پیرا اولمپک گیمز کی میزبانی کر رہا تھا۔ روسی صدر نے آخری بار 2019 میں ایشیا میں بات چیت اور اعتماد سازی کے اقدامات سے متعلق کانفرنس کے سربراہی اجلاس میں شرکت کے لیے تاجکستان کا دورہ کیا تھا۔

تازہ ترین

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

Published

on

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

اسلام آباد (صداۓ روس)
پاکستان اورانگلینڈ کے مابین پہلے ٹیسٹ میچ کے پہلے روز کئی ریکارڈ بن گئے جبکہ انگلینڈ نے میچ کے پہلے روز 506 رنز بنا کر 112 سال پرانا ریکارڈ بھی توڑ ڈالا۔ انگلینڈ نے صرف 4 وکٹیں گنوا کر 506 رنز بنالیے اس طرح انگلینڈ نے میچ کے پہلے روز 506 رنز بنا کر اپنا ہی 68 سالہ پرانا ریکارڈ توڑ ڈالا۔ اس سے قبل انگلینڈ نے 1954 میں نوٹنگھم ٹیسٹ میں پاکستان کے خلاف ہی ایک دن میں 496 رنز بنائے تھے۔

ایک دن میں سب سے زیادہ رنز بنانے کا بھی ریکارڈ انگلینڈ ٹیم کے ہی پاس ہی جوانہوں نے ہندوستان کے خلاف 588 اسکور کر کے بنایا تھا۔ 9 دسمبر 1910 کو آسٹریلیا نے جنوبی افریقہ کے خلاف پہلے روز 494 رنز سکور کیے تھے۔ پاکستان اور انگلیند کے میچ کے دوران ایک اور ریکارڈ بھی بنا جو کہ ہیری بروک نے سعود شکیل کو ایک اوور میں لگا تار 6 چوکے لگا کر بنایا ۔ اس سے قبل یہ ریکارڈ ایک اوور میں 5 چوکوں کا ہے جو کہ ہندوستان کے جسپریت بھمرا نے انگلش باؤلر سٹورٹ براٹ کو لگائے تھے۔

راولپنڈی میں جاری میچ کے پہلے روز انگلش بلے بازوں نے پاکستانی باؤلرز کی خوب پٹائی کی اور شاندار بیٹنگ کا مظاہرہ کرتے ہوئے رنز کا پہاڑ کھڑا کر دیا۔ انگلینڈ کے پہلے تینوں بلے باز سینچریز سکور کرنے میں کامیاب ہوئے۔ پاکستانی باؤلرز پہلے روز بمشکل 4 کھلاڑیوں کو ہی آؤٹ کر پائے۔ پاکستان کی جانب سے زاہد محمود نے 2 جبکہ حارث رؤف اور محمد علی نے ایک ایک وکٹ حاصل کی۔

راولپنڈی کرکٹ گراؤنڈ میں آج دونوں ٹیموں کے کپتانوں نے ٹرافی کی تقریب رونمائی میں بھی شرکت کی۔

Continue Reading

ٹرینڈنگ