روس کے ساتھ سفارتی تعلقات منقطع نہیں ہونے چاہئیں، اطالوی وزیراعظم

روس کے ساتھ سفارتی تعلقات منقطع نہیں ہونے چاہئیں، اطالوی وزیراعظم

روم (انٹرنیشنل ڈیسک)
اطالوی وزیر اعظم ماریو ڈریگھی نے کہا کہ روس کی طرف سے اطالوی سفارت کاروں کی بے دخلی ایک “دشمنانہ عمل” ہے اور کہا کہ ممالک کو سفارتی تعلقات برقرار رکھنے چاہئیں۔ انہوں نے یہ بات روم میں فن لینڈ کی وزیر اعظم سانا مارین کے ساتھ ایک مشترکہ نیوز کانفرنس میں کہی، جسے اطالوی کابینہ نے نشر کیا تھا۔ انہوں نے کہا کہ یقیناً یہ ایک معاندانہ عمل ہے، جو ہماری طرف سے بے دخلی کا جواب ہے۔ “لیکن یہ سفارتی چینلز کو منقطع کرنے کا سبب نہیں بننا چاہئے کیونکہ یہی وہ چینل ہیں جن کے ذریعے اگر ہم کامیاب ہوئے تو ہم امن حاصل کریں گے اور یقیناً ہم یہی چاہتے ہیں۔”

بدھ کے روز روسی وزارت خارجہ کی ترجمان ماریا زاخارووا نے بتایا کہ ماسکو 24 اطالوی سفارت کاروں کو رد عمل کے طور پر نکال رہا ہے۔ یہ اقدام اپریل کے اوائل میں “قومی سلامتی” کی بنیاد پر 30 روسی سفارت کاروں کو ملک بدر کرنے کے بعد سامنے آیا ہے۔