یورپ تیزی سے روس کے ساتھ جنگ کی طرف بڑھ رہا ہے، روسی سفارت کار

ماسکو (صداۓ روس)

روس کے OSCE میں مستقل نمائندہ دیمتری پولیانسکی نے کہا ہے کہ یوکرین میں نازی نظریات کی حمایت اور ان کی حوصلہ افزائی کر کے یورپ تیزی سے روس کے ساتھ فوجی تصادم کی طرف بڑھ رہا ہے۔ OSCE کے مستقل کونسل کے باقاعدہ اجلاس سے خطاب کرتے ہوئے انہوں نے کہا کہ “یوکرینی نو نازیوں سے مل کر کھیلنے اور ان کی مدد کر کے تم (یورپی) یورپ میں تنازع کے بیج بو رہے ہو۔ اگر یہ جڑیں پکڑ لیں تو سفارت کاری ان اختلافات کو حل نہیں کر سکے گی۔”
پولیانسکی نے مزید کہا کہ “کیا روس کے ساتھ تصادم کو ناگزیر بنانا آپ کا حقیقی ہدف ہے؟ کیا اسی لیے یورپ تمام حقیقت پسندانہ امن اقدامات کو کمزور کر رہا ہے، کیئف رژیم کو ہتھیاروں کی سپلائی بڑھا رہا ہے، روس کی سرحدوں کے قریب اپنی فوجی موجودگی بڑھا رہا ہے اور یورپی عوام کو یہ قائل کر رہا ہے کہ روس کے ساتھ جنگ ناگزیر ہے؟”
انہوں نے کہا کہ “در حقیقت ہم تیزی سے اس طرف بڑھ رہے ہیں۔ یورپ زیلنسکی کو روس کے اندر اہداف پر حملے کے لیے اپنی سرزمین استعمال کرنے کی اجازت دے رہا ہے۔”
روسی سفارت کار نے مزید کہا کہ “بہت سے یورپی ممالک اب یوکرینی فوج کے لیے عقبی اڈے، دہشت گردوں کی تربیت کے میدان، ہتھیاروں کی ترسیل کے لیے لاجسٹک ہب اور جنگی ڈرونز کے لانچنگ پلیٹ فارم بن چکے ہیں۔”