روس نے خلائی صنعت میں اپنی قیادت برقرار رکھی ہے، صدر پوتن
ماسکو(صداۓ روس)
خلائی تحقیق میں روس کی کامیابیوں سے ظاہر ہوتا ہے کہ روس نے اس شعبے میں اپنی قیادت برقرار رکھی ہے، روسی صدر ولادیمیر پوتن نے اپنے بیلاروسی ہم منصب الیگزینڈر لوکاشینکو کے ساتھ بات چیت کے بعد ایک پریس کانفرنس میں کہا، جو امور ریجن کے ووسٹوچنی کاسموڈروم میں ہوئی۔ روسی صدر نے کہا کہ ہر وہ چیز جو ہم نے ووسٹوچنی کے دورے کے دوران دیکھی ہے حالیہ برسوں میں خلائی تحقیق میں حاصل کی گئی تمام کامیابیاں اس بات کو ثابت کرتی ہیں کہ ہمارا ملک خلائی صنعت میں اپنی قیادت کو برقرار رکھتا ہے اور روس خلائی شعبے کے رہنماؤں میں سے ایک ہے.
صدر پوتن نے کاسموناٹکس ڈے پر ووسٹوچنی کاسموڈروم میں بیلاروسی صدر لوکاشینکو کے ساتھ بات چیت کو اہم اور ضروری قراردیا ہے۔ روسی صدر کے مطابق روس اور بیلاروس کے عوام کو اس بات پر فخر ہے کہ 61 سال قبل یوری گاگارین کی پہلی خلائی پرواز نے خلائی تحقیق کے ایک نئے دور کا آغاز کیا۔