یورپ میں توانائی بحران کے ذمہ دار ہم نہیں، روسی نائب وزیراعظم

ماسکو(SR)
روس کے نائب وزیر اعظم الیگزینڈر نوواک نے Rossiya-1 ٹی وی چینل کو انٹرویو دیتے ہوئے کہا کہ نہ تو Gazprom اور نہ ہی روس یورپ میں توانائی کے بحران کے لیے ذمہ دار ہیں۔ ان کا کہنا تھا کہ بلاشبہ مجھے آئی ای اے جیسی معزز بین الاقوامی تنظیم کے سربراہ کے اس بیان سے قدرے حیرت ہوئی جو آج یورپی صارفین کو درپیش مسائل کو تبدیل کرنے کی کوشش کر رہی ہے۔ ان کا کہنا تھا کے اس حوالے سے نہ تو گیزپروم اور نہ ہی روس غلطی پر ہیں نہ ہماری وجہ سے یورپ میں گیس بحران آیا.

نوواک نے زور دیا کہ یورپ میں توانائی کے بحران میں شدت طویل موسم سرما سے متاثر ہوئی، جس نے یورپ میں زیر زمین گیس ذخیرہ (UGS) سے گیس کی اہم مقدار نکالنے پر مجبور کیا۔ نائب وزیر اعظم نے مزید کہا کہ اس کے علاوہ عالمی معیشت بحال ہونے لگی، اور مائع گیس، بنیادی طور پر امریکہ سے، ایشیائی منڈیوں میں چلی گئی۔