فرانس و امریکی صدورکا روسی صدر سے ٹیلیفونک رابطہ
ماسکو(صداۓ روس)
روسی صدر ولادیمیر پوتن نے ہفتے کے روز فرانس اور امریکہ کے صدور ایمانوئل میکرون اور جو بائیڈن سے ٹیلی فون پر بات چیت کی۔ بات چیت پیرس اور واشنگٹن کی درخواستوں پر ہوئی اور یوکرین کی صورتحال متوقع طور پر ان کا کلیدی موضوع بن گئی۔ روسی رہنما نے اپنے ہم منصبوں کو یاد دلایا کہ مغرب یوکرین کو مینسک معاہدوں پر عمل کرنے پر مجبور نہیں کرسکا اور کہا کہ سلامتی کی ضمانتوں پر امریکہ اور نیٹو کے جوابات پر روسی ردعمل جلد ہی پیش کیا جائے گا۔
اس گفتگو کے بعد پیرس نے کہا کہ انہیں یقین نہیں ہے کہ ماسکو یوکرین کے خلاف “جارحیت کی تیاری کر رہا ہے”، جب کہ واشنگٹن نے کہا کہ یہ ابھی تک ان کے لیے واضح نہیں ہے کہ روس سفارتی طور پر اپنا مقصد حاصل کرنے کا ارادہ رکھتا ہے یا طاقت کے استعمال سے اپنا مقصد پورا کرے گا.