پابندیوں نے ہمیشہ روس کو مضبوط کیا، روسی وزیر خارجہ
ماسکو(صداۓ روس)
روس کے وزیر خارجہ سرگئی لاوروف نے RT کے ساتھ ایک انٹرویو میں کہا کہ مغرب روس پر پابندیاں لگاتا رہے گا لیکن ماسکو اس کا عادی ہے۔ روسی سفارت کار کا کہنا تھا کہ پابندیوں کی مہم جاری رہے گی اور اب مغربی ممالک روس کو پابندیوں کی پانچویں لہر کی دھمکی دے رہے ہیں۔ شاید ایک اور لہر آئے لیکن ہم اس کے عادی ہیں. جیسا کہ صدر پوتن نے یاد کیا اب ہم روسی فیڈریشن کے خلاف متعارف کرائی گئی پابندیوں کی تعداد میں چیمپئن ہیں، 5000 سے زیادہ انفرادی کارروائیاں، جو ایران اور شمالی کوریا کے خلاف لگائی گئی پابندیوں سے تقریباً دوگنی ہیں۔ لیکن پابندیوں نے ہمیشہ ہمیں مضبوط بنایا. یاد رہے اس سے قبل روس کے سابق صدر کا کہنا ہے کہ امریکا نے روسوفوبیا کا آغاز کر دیا ہے اور یہ روس کو توڑنے اور اس کو سر تسلیم خم کرنے کی کوشش ہے تاہم ماسکو یہ کام نہيں کرے گا۔
انہوں نے کہا کہ روس کے پاس اتنا طاقت ہے کہ وہ اپنے سبھی دشمنوں کو ان کی صحیح جگہ دکھا دے۔ یوکرین پر حملے کے بعد روس اور امریکا کے درمیان دوریاں بڑھتی جا رہی ہیں۔ روس کے سابق صدر نے کہا کہ روس کو اچھی طرح پتہ ہے کہ امریکی سربراہی والے اس کے دشمنوں کو کیسے ان کی جگہ دکھائی جائے اور روس کو توڑنے کی مغرب کی منفور سازش کو ماسکو ناکام بنا دے گا۔ رائٹرز کے مطابق 2008 اور 2012 تک روس کے صدر رہ چکے دیمیتری میدویدیف نے کہا کہ امریکا نے پست ترین روسوفوبیا شروع کیا ہے۔ امریکا نے یوکرین کو نئی سیکورٹی مدد اور لمبی دوری تک وار کرنے والے ہتھیار دینے کا اعلان کیا ہے۔ امریکا کی جانب سے یوکرین کو عطا کی جا رہی نئی سیکورٹی مدد کے تحت 800 اینٹی ائیرکرافٹ، 9000 اینٹی آرمر سسٹم، 7 ہزار چھوٹے ہتھیار جیسے مشین گن، شاٹ گن اور گرینیڈ لانچر، ڈرون اور دیگر فوجی ساز و سامان شامل ہيں۔