کس بھی قسم کے بحری جہازوں کو اسرائیل نہیں جانے دیں گے، یمنی افواج

کس بھی قسم کے بحری جہازوں کو اسرائیل نہیں جانے دیں گے، یمنی افواج

ماسکو (انٹرنیشنل ڈیسک)
یمنی مسلح افواج کے ترجمان نے کہا ہے کہ اگر غزہ کی خوراک اور طبی ضروریات پوری نہیں کی گئیں تو یمنی فوج کسی بھی ملک کے بحری جہاز کو فلسطین کی طرف جانے سے روکیں گی۔ خبررساں ایجنسی کی رپورٹ کے مطابق، یمنی مسلح افواج کے ترجمان یحییٰ سریع نے کہا ہے کہ اگر غزہ کی خوراک اور طبی ضروریات پوری نہیں کی گئیں تو یمنی فوج کسی بھی ملک کے بحری جہاز کو فلسطین کی طرف جانے سے روکیں گی۔

انہوں نے کہا کہ اسرائیلی حکومت کی طرف بڑھنے والا کوئی بھی جہاز یمنی مسلح افواج کے لیے جائز ہدف ہوگا۔ ہم تمام جہازوں اور کمپنیوں کو اسرائیلی بندرگاہوں کے ساتھ کاروبار کرنے سے خبردار کرتے ہیں۔ انہوں نے کہا کہ اس اعلان کے بعد سے ہم اسرائیلی کسی بھی بحری جہاز کے گزرنے پر پابندی عائد کریں گے۔ انہوں نے کہا کہ غیر ملکی بحری جہازوں کے قابض حکومت میں داخلے پر پابندی کا فیصلہ بحیرہ احمر اور بحیرہ عرب میں اسرائیلی بحری جہازوں کو روکنے میں ہماری کامیابی کے بعد کیا گیا ہے۔