Connect with us

پاکستان

روس سے مقامی کرنسیوں میں تجارت کرنا چاہتے ہیں، پاکستان

Published

on

روس سے مقامی کرنسیوں میں تجارت کرنا چاہتے ہیں، پاکستان

روس سے مقامی کرنسیوں میں تجارت کرنا چاہتے ہیں، پاکستان

ماسکو اشتیاق ہمدانی
روس میں سفارت خانہ پاکستان کے ٹریڈ مشن کے سربراہ محمد شوکت حیات نے کہا ہے کہ پاکستانی تجارتی مشن نے روسی وزارت تجارت سے کہا ہے کہ وہ دونوں ممالک کے درمیان اقتصادی تعلقات کو مضبوط بنانے کے لیے کرنسی کے تبادلے کا انتظام متعارف کرائے. انہوں نے کہا کہ میں نے روسی فریق کو کرنسی کے تبادلے کے حوالے سے ایک معاہدے پر دستخط کرنے کی تجویز دی ہے اور متعلقہ وزارت کو ایک سرکاری خط بھیجا ہے۔ ان کا کہنا تھا کہ اب گیند روس کے کورٹ میں ہےاور ہم جواب کا انتظار کر رہے ہیں۔ پاکستانی عہدیدار نے کہا کہ روس اور پاکستان کے درمیان روبل میں تجارت یا بارٹر پرلین دین کا کوئی بھی طریقہ کار ہو سکتا ہے.

واضح رہے روس اور اس کے تجارتی شراکت دار امریکی ڈالر اور یورو سے اجتناب کرنے کی کوشش میں باہمی قومی کرنسیوں کے استعمال کو بڑھا رہے ہیں۔ حالیہ برسوں میں ماسکو مستقل طور پر غیر ملکی تجارت کو ڈالر میں تبدیل کرنے کی پالیسی پر عمل پیرا ہے اور ہندوستان، چین، ایران اور ترکی کے ساتھ مقامی کرنسیوں میں منتقل ہونے کے لیے بات چیت کر رہا ہے۔

یاد رہے اکتوبر میں روسی صدر ولادیمیر پوتن نے کہا تھا کہ تجارت کے لیے دنیا کی کرنسی کے طور پر ڈالر کی حکمرانی خطرے میں ہے اور انہوں نے پیش گوئی کی تھی کہ قومی کرنسیوں میں ادائیگیوں کے حوالے سے معاہدے تیزی سے بڑھیں گے اور آہستہ آہستہ پوری دنیا میں ڈالر پر انحصار ختم ہو جائے گا.

پاکستان

جنرل عاصم منیر کو پاک فوج کی کمان سونپ دی گئی

Published

on

جنرل عاصم منیر کو پاک فوج کی کمان سسونپ دی گئی

جنرل عاصم منیر کو پاک فوج کی کمان سونپ دی گئی

اسلام آباد (صداۓ روس)
جنرل قمر جاوید باجوہ نے کمان کی چھڑی جنرل عاصم منیر کو سونپ دی، جنرل عاصم منیر نے بطور 17ویں آرمی چیف پاک فوج کی کمان سنبھال لی۔ آرمی چیف جنرل قمر جاوید باجوہ اپنی 6 سالہ مدت ملازمت مکمل کر کے اپنے عہدے سے سبکدوش ہو گئے۔ راولپنڈی جی ایچ کیو میں پاک فوج میں تبدیلی کمانڈ کی پُر وقار تقریب کا انعقاد ہوا۔ چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے تقریب میں شرکت کی۔ تقریب کے مہمان خصوصی جنرل قمر جاوید باجوہ کی جنرل عاصم منیر کے ہمراہ پنڈال آمد پر گارڈز نے انہیں سلامی دی جس کے بعد تلاوت کلامِ پاک سے تقریب کا آغاز کیا گیا جس کے بعد جنرل قمر جاوید باجوہ کو الوداع گارڈ آف آنر پیش کیا گیا۔

آرمی چیف جنرل قمر جاوید باجوہ نے اعزازی گارڈ کا معائنہ کیا، اعزازی گارڈ نے سلامی کے چبوترے کے سامنے سے مارچ پاسٹ بھی کیا۔ تقریب کے شروع میں پاک فوج کے سبکدوش ہونے والے سربراہ جنرل قمر جاوید باجوہ اور جنرل عاصم منیر نے یادگار شہداء پر حاضری دی، جہاں پر شہداء کے لیے دعا کی گئی۔ اعزازی شمشیر یافتہ جنرل سید عاصم منیر کمان کی تبدیلی کی تقریب میں فور اسٹار جنرل کے شولڈر رینکس اور کالر میڈل لگا کر شریک ہوئے۔

جی ایچ کیو میں منعقدہ تقریب میں تمام مسلح افواج کے سربراہان، اعلیٰ سول، فوجی افسران شریک ہوئے، پُروقار تقریب میں سفارتکار اور صحافیوں نے بھی شرکت کی۔ اس کے علاوہ وزیرِ خارجہ بلاول بھٹو زرداری، وزیرِ داخلہ رانا ثناء اللّٰہ، وزیر خزانہ اسحاق ڈار اور وزیر اطلاعات مریم اورنگزیب نے بھی تقریب میں شرکت کی۔

Continue Reading

ٹرینڈنگ