دہلی (انٹرنیشنل ڈیسک)
بھارت میں پھرسخت لاک ڈاؤن کے خطرات منڈلانے لگے جس کی وجہ سے مہاجر مزدوروں نے ہجرت شروع کردی. اطلاعات کے مطابق بھارت بھر میں کورونا انفیکشن کے تیزی سے بڑھتے ہوئے کیسز کے بعد دوبارہ لاک ڈاؤن کے امکان کے خوف سے مہاجر مزدوروں نے ایک بار پھر ہجرت شروع کر دی ہے۔ اخراج کا تازہ ترین منظر گروگرام میں دیکھا گیا.
جب یومیہ اجرت والے مزدور کووڈ پابندیوں اور لاک ڈاؤن کے خوف کے درمیان گھر لوٹتے ہوئے دیکھے گئے۔ کورونا وبا کی تیسری لہر پر قابو پانے کے لیے پہلے لگائے گئے نائٹ کرفیو اور اب نئی پابندیوں نے مہاجر مزدوروں کی مشکلات میں اضافہ کر دیا ہے۔
یہ بھی پڑھیں
روس بھارتی میڈیا پر سخت برہم، روسی وزارت خارجہ کی تنقید
لاہور میں آج سے 8 روز کے لئے مکمل لاک ڈاؤن کا آغاز
کاروبار کے متاثر ہونے اور پچھلے سال لگائے گئے لاک ڈاؤن کی وجہ سے ہونے والی مشکلات کے پیش نظر اب سے تارکین وطن مزدوروں نے نقل مکانی شروع کر دی ہے۔ گھروں کو لوٹنے والوں کو سڑکوں اور بس اسٹینڈ پر بھی دیکھا گیا۔
یہ لوگ پھر لاک ڈاؤن سے خوفزدہ ہیں۔امریندر کمار یادو جو بطور ڈرائیور کام کرتے ہیں نے کہا کہ گروگرام میں کسی بھی وقت لاک ڈاؤن ہوسکتا ہے اس لیے میں نے اپنی آبائی ریاست واپس جانے کا فیصلہ کیا ہے۔ مجھے کووڈ کی پابندیوں کی وجہ سے کوئی کام نہیں مل رہا، آمدنی کے بغیر گزارہ مشکل ہے۔