ایکواڈور کا روسی ہتھیار امریکہ کے حوالے کرنے کی کوشش، روس کا انتباہ
ماسکو (صداۓ روس)
ایکواڈور میں روس کے سفیر ولادیمیر سپرینچن نے روسیا-٢٤ ٹی وی چینل سے بات کرتے ہوئے کہا ہے کہ ماسکو ان رپورٹس کی تحقیقات کر رہا ہے کہ ایکواڈور روسی فوجی سازوسامان امریکہ کو منتقل کرنے جا رہا ہے. سپرنچن نے کہا کہ اس حوالے سے ہم پوچھ گچھ کر رہے ہیں اور ہم نے ایکواڈور کے حکام کو روس کے موقف سے مطلع کر دیا ہے. ان کا کہنا تھا کہ امریکیوں کو اس سامان کی ضرورت نہیں ہے، اس لیے کہ اسے سکریپ میٹل کہا جاتا ہے۔ اس کی ضرورت ان لوگوں کو ہے جو روسی ساختہ سازوسامان کو ہینڈل کرنا جانتے ہیں۔ روسی سفارت کار نے کہا کہ ہم نے ایکواڈور کے حکام کو خبردار کیا کہ یہ ایک غیر دوستانہ قدم ہوگا، خاص طور پر جب سے ایکواڈور کے صدر نے خصوصی فوجی آپریشن اور یوکرین میں تنازعہ کے حوالے سے اپنے ملک کے پرامن موقف کا اعلان کیا.
انہوں نے اس بات پر زور دیا کہ اس روسی ساختہ سکریپ میٹل کو امریکہ بھیجنا ایک طرف سے تنازعہ میں حصہ ڈالے گا۔ روسی سفیر نے کہا یعنی یہ عمل ریاست کے سربراہ کی جانب سے غیر جانبداری کے بارے میں بیان کردہ موقف اور روس اور یوکرین کے درمیان اس مسئلے کو سفارتی ذرائع سے حل کرنے میں ممکنہ ثالثی کی تلاش کی خلاف ورزی تصور کیا جائے گا۔ قبل ازیں ایکواڈور کے صدر ڈینیئل نوبوا نے کہا تھا کہ ان کا ملک روس کی تیار کردہ مشینری کو ٢٠٠ ملین ڈالر کے نئے آلات کے عوض امریکا کو منتقل کرے گا۔ سفیر نے مزید کہا کہ ہم صورتحال کی نگرانی کرتے رہیں گے اور اس کے مطابق معلومات فراہم کرتے رہیں گے.