یوکرین نے اسرائیل پر ایران کے حملوں کی مذمت کردی
ماسکو (انٹرنیشنل ڈیسک)
یوکرین کے صدر ولادیمیر زیلنسکی نے ہفتے کے روز اسرائیل کے خلاف ایران کے میزائل اور ڈرون حملوں کی مذمت کرتے ہوئے یوکرین میں تہران کے اقدامات اور روس کے ہتھکنڈوں کے درمیان مماثلت ظاہر کی ہے۔ ایران نے کہا کہ یہ بیراج حملہ صیہونی حکومت کے متعدد جرائم، بشمول دمشق میں ایران کے سفارت خانے کے قونصلر سیکشن پر حملہ کا بدلہ ہے۔
یاد رہے یکم اپریل کو شام کے شہر دمشق میں ایک اسرائیلی فضائی حملے میں ایران کے قونصل خانے کو تباہ کر دیا گیا تھا، جس میں ایران کی ایلیٹ اسلامی انقلابی گارڈ کور قدس فورس کے سات اہلکار ہلاک ہوگئے تھے، جن میں دو اعلیٰ درجے کے جنرل بھی شامل تھے۔ ایران کے سرکاری میڈیا کے مطابق ہفتے کے روز ہونے والے حملوں میں متعدد اسرائیلی فوجی تنصیبات کو نشانہ بنایا گیا۔ اسرائیل ڈیفنس فورسز (IDF) نے دعویٰ کیا کہ اس کے فضائی دفاع نے آنے والے تقریباً تمام پروجیکٹائل کو روک دیا۔
اتوار کو ایکس (سابقہ ٹویٹر) پر ایک پوسٹ میں، صدر زیلنسکی نے لکھا کہ “یوکرین اسرائیل پر ایران کے حملے کی مذمت کرتا ہے۔ یوکرین کے سربراہ نے مزید کہا کہ ان کے ہم وطن “روس کی طرف سے اسی طرح کے حملوں کی ہولناکی کو اچھی طرح جانتے ہیں، جس میں شائد وہی ڈرون اور روسی میزائل استعمال کیے گئے بڑے پیمانے پر فضائی حملوں کی وہی حکمت عملی دیکھنے میں آئی.