مزید سابق سوویت ریاستیں بھی یونین سٹیٹ میں شامل ہو سکتی ہیں، بیلاروس

مینسک (صداۓ روس)
بیلاروس کے صدر الیگزینڈر لوکاشینکو کا خیال ہے کہ بیلاروس اور روس کی یونین ریاست دوسرے ممالک کو اپنی طرف متوجہ کر سکتی ہے۔ بیلا روسی صدر کی پریس سروس کے مطابق بیلاروسی صدر نے کہا کہ مجھے یقین ہے کہ سابق سوویت یونین کی دیگر جمہوریہ بھی ایسی یونین میں شامل ہو جائیں گی. انہوں نے وورونز ریجن کے گورنر الیگزینڈر گوسیو کے ساتھ ملاقات میں کہا کہ سوویت یونین کی سابقہ ریاستیں بھی ہماری یونین اسٹیٹ میں شمولیت اختیار کر سکتی ہیں. بیلا روس صدر کی پریس سروس نے اطلاع دی کہ یونین اسٹیٹ کے قیام کے لئے تیزی سے کام جاری ہے. لوکاشینکو نے بتایا کہ وہ بیلاروس کے ساتھ تعاون کو فروغ دینے میں روسی خطوں کی بڑی دلچسپی دیکھتے ہیں۔

انہوں نے گورنر الیگزینڈر گوسیو کو کہا کہ آپ کا شکریہ کہ ہمیں آپ کا تعاون میسر ہے اور ہم نئے اصولوں پر مبنی ایک واحد مرکزی ریاست بنانے کی کوشش کر رہے ہیں تاکہ کسی کو ناراض نہ کیا جائے تاکہ خودمختار اور آزاد ریاستیں – بیلاروس اور روس مستقبل میں مل کر ترقی کریں۔