روس نے مغربی ممالک کے ہتھیار لانے والے طیارے کو فضا میں تباہ کردیا
ماسکو(صداۓ روس)
روسی وزارت دفاع کے ترجمان میجر جنرل ایگور کوناشینکوف نے بتایا کہ روسی فضائی دفاعی یونٹوں نے مغربی ہتھیاروں سے لدے ایک فوجی ٹرانسپورٹ طیارے کو اوڈیسا کے باہر مار گرایا ہے۔ انہوں نے کہا اوڈیسا کے قریب روسی طیارہ شکن دفاعی دستوں نے یوکرین کے ایک فوجی ٹرانسپورٹ طیارے کو مار گرایا ہے، جو مغربی ممالک کی طرف سے یوکرین کو ہتھیاروں کی ایک بڑی کھیپ فراہم کر رہا تھا۔ اس کے علاوہ، کوناشینکوف کے مطابق، آپریشنل اور ٹیکٹیکل ایوی ایشن نے گزشتہ 24 گھنٹوں میں یوکرین کے فوجی اہلکاروں اور ہارڈ ویئر کے ارتکاز کے 67 علاقوں کو تباہ کر دیا۔
روس کے میزائلی دستوں نے 317 فوجی تنصیبات کو نشانہ بنایا، جن میں 274 گڑھ اور دشمن کی افرادی قوت کے ارتکاز کے علاقے، 24 کمانڈ پوسٹس اور یوکرائنی فوجیوں کی دو فیلڈ فیول تنصیبات شامل ہیں۔ لوزوایا اور ویسلایا کے باہر یوکرین کے دو ڈرون مار گرائے گئے۔