روس نے فیس بک کے بانی سمیت 29 امریکیوں کو بلیک لسٹ کردیا
ماسکو(صداۓ روس)
روسی وزارت خارجہ نے اعلان کیا کہ روس نے 29 امریکی شہریوں کو بلیک لسٹ کر دیا ہے جن میں فیس بک کے بانی مارک زکربرگ سمیت اعلیٰ حکام، کاروباری شخصیات، ماہرین اور نامہ نگاروں کے ساتھ ساتھ اعلیٰ امریکی حکام کی بیویاں بھی شامل ہیں۔ امریکی پابندیوں میں مسلسل توسیع کے جواب میں جو ، جو بائیڈن کی انتظامیہ نے زیادہ سے زیادہ روسی عہدیداروں، ان کے خاندان کے افراد کے ساتھ ساتھ تاجروں، سائنسدانوں اور فنکاروں پر عائد کی تھیں، ان کے جواب میں روس نے رد عمل میں یہ پابندیاں نافذ کی ہیں. روس کے اس حالیہ فیصلے کے مطابق مجموعی طور پر 29 امریکی بشمول اعلیٰ حکام، تاجر، ماہرین اور رپورٹرز کو نشانہ بنایا گیا ہے۔ روسی وزارت خارجہ نے اپنے بیان میں کہا کہ روسوفوبک ایجنڈا کے ساتھ ساتھ متعدد اعلیٰ عہدے داروں کی بیویوں کو بلیک لسٹ کیا جا رہا ہے۔
بلیک لسٹ کیے گئے لوگوں میں امریکی نائب صدر کملا ہیرس اور میٹا روس میں انتہا پسند سمجھے جانے والی فیس بک کے سی ای او مارک زکربرگ بھی شامل ہیں۔ وزارت نے کہا کہ روسی بلیک لسٹ کی نئی توسیع کے بارے میں ایک اور اعلان جلد ہی کیا جائے گا، جو کہ امریکی دشمنانہ اقدامات کے جوابی اقدامات کے حصے کے طور پر ہوگا۔