سویڈن کی 103 سالہ خاتون نے طیارے سے کود کر ریکارڈ قائم کردیا
سٹاک ہوم (انٹرنیشنل ڈیسک)
سویڈن کی 103 سالہ خاتون نے طیارے سے کود کر ریکارڈ قائم کردیا. سویڈن میں 103 برس کی معمر خاتون نے جہاز سے پیرا شوٹ کے ذریعے چھلانگ لگا کر ایک نیا ریکارڈ قائم کر دیا ہے۔ عالمی خبر رساں ادارے کے مطابق سویڈن میں 103 سالہ خاتون روت لارسن نے فضا میں ہوائی جہاز سے چھلانگ لگائی اور پیراشوٹ کے ذریعے زمین پر بحفاظت اترنے کا مظاہرہ کیا۔ اس کرتب کے دوران ان کی رہنمائی پیرا شوٹ جمپنگ کے ماہر جوکم جوہانسن نے کی۔ ہوائی جہاز سے چھلانگ لگانے کا یہ کرتب اسٹاک ہوم سے 240 کلومیٹر کے فاصلے پر موٹالا میں کیا گیا۔
روت لارسن نے اس کرتب کا مظاہرہ کرکے عالمی ریکارڈ توڑ دیا ہے اور وہ یہ کرتب دکھانے والی معمر ترین خاتون بن گئی ہیں۔ اس موقعے پر گنیز بک آف ورلڈ ریکارڈ کا اہلکار بھی موجود تھا جنہوں نے ریکارڈ کی تصدیق کی. لارسن، جن کی عمر 103 سال اور 259 دن ہے، نے 103 سال اور 181 دن کا سابقہ ریکارڈ توڑ دیا۔ لارسن نے کہا کہ ایک امریکی خاتون تھی جس نے سابقہ ریکارڈ توڑا تو مجھے اسے ہرانا پڑا۔