یوکرین کے میزائلوں کا بڑا ذخیرہ تباہ کردیا، ماسکو
ماسکو صداۓ روس
روسی وزارت دفاع نے کہا ہے کہ یوکرین کے مغربی فراہم کردہ کروز میزائلوں اور ختم شدہ یورینیم کے گولوں کو سلسلہ وار حملوں میں تباہ کر دیا گیا ہے۔ روسی وزارت دفاع نے ہفتے کے روز ایک بیان میں کہا کہ گزشتہ اتوار سے، روسی افواج نے یوکرین کے مختلف اہداف پر 12 گروپ حملے کیے ہیں۔ بیان میں کہا گیا کہ روسی فوج کی جانب سے بنائے گئے اہداف میں یوکرین کے طیاروں اور بکتر بند گاڑیوں کی مرمت کی تنصیبات، آئل ریفائنری، گولہ بارود اور غیر ملکی ساختہ اسلحے کے ڈپو، یوکرائنی تخریب کاروں کے تربیتی مراکز اور غیر ملکی کرائے کے فوجیوں کے زیر قبضہ رہائش شامل تھے۔
وزارت کے مطابق ان حملوں کے دوران انتہائی درستگی والے طویل فاصلے تک مار کرنے والے زمینی اور فضا میں مار کرنے والے میزائل اور ڈرون کا استعمال کیا گیا. بیان میں کہا گیا ہے کہ ان حملوں کے نتیجے میں یوکرین کی مسلح افواج کے لاجسٹکس سسٹم کو کافی نقصان پہنچا جو کہ خیرسن اور زاپوروزے ریجن کی سمتوں میں کام کر رہے تھے۔