اسرائیلی کرنسی آٹھ سال کی کم ترین سطح پر آگئی
واشنگٹن (انٹرنیشنل ڈیسک)
اسرائیلی شیکل پیر کو امریکی ڈالر کے مقابلے میں تین فیصد گر کر تین اشاریہ چھیانوے سے زیادہ پر تجارت کرنے لگا، جو آٹھ سالوں میں اس کی کمزور ترین سطح ہے۔ اطلاعات کے مطابق غزہ میں اسرائیل کی سکیورٹی فورسز اور فلسطینی مسلح گروپوں کے درمیان تنازعہ میں اضافے کے درمیان کرنسی کی قیمت گرگئی ہے۔ اسرائیل کا بینچ مارک ٹی اے تین پانچ اسٹاک انڈیکس بھی پیر کو گرا، جو کہ تین اشاریہ سفر فیصد گرا اور اتوار سے چھے اشاریہ پانچ فیصد کمی کے ساتھ مزید گرگیا۔ یہ ہی وجہ رہی ہے کہ مشرق وسطیٰ کی اسٹاک مارکیٹیں ان خدشات کے باعث ڈوب گئیں کہ جنگ مزید پھیل سکتی ہے۔
ہفتے کے روزفلسطینی مسلح گروپ حماس نے اسرائیل پر ہزاروں میزائل داغے اور غزہ کی سرحد کے قریب یہودی بستیوں میں اپنی کاروائیوں کا آغاز کیا۔ اس کے جواب میں اسرائیلی حکام نے ’آپریشن آئرن سوورڈز‘ شروع کیا۔ حملے کے آغاز سے لے کر اب تک سینکڑوں اسرائیلی اور فلسطینی مبینہ طور پر ہلاک ہو چکے ہیں۔