امریکی شہری روس کی حمایت کر رہے ہیں، یوکرینی صدر
ماسکو (انٹرنیشنل ڈیسک)
یوکرین کے صدر ولادیمیر زیلنسکی نے پولیٹیکو کے ساتھ ایک انٹرویو میں دعویٰ کیا کہ روسی اثر و رسوخ امریکی سیاسی نظام میں گھس گیا ہے اور دنیا بھر میں معلومات کے شعبے کو تباہ کر دیا ہے۔ زیلنسکی سے دو ریپبلکن قانون سازوں کے حالیہ بیانات پر تبصرہ کرنے کو کہا گیا: اوہائیو کے مائیک ٹرنر اور ٹیکساس کے مائیک میکول۔ انہوں نے دعویٰ کیا کہ “روس نواز” پروپیگنڈہ کانگریس کے کچھ اراکین کے ذہنوں میں داخل ہو گیا ہے، جو کیف کے لیے 60 بلین ڈالر کے امدادی پیکج کو گرین لائٹ دینے میں ناکام رہا ہے۔
یوکرائنی رہنما نے کہا کہ روس “دنیا کے معلوماتی میدان” کو مسخ کرنے میں کامیاب ہوگیا ہے۔
یوکرینی صدر نے کہا کہ روسیوں کی ہر جگہ اپنی لابیاں ہیں، مثال کے طور پر امریکہ میں، یورپی یونین کے ممالک میں، برطانیہ میں، لاطینی امریکہ میں، افریقہ میں روس اپنی معلوماتی جنگ جیت چکا ہے. انہوں نے مزید کہا کہ امریکہ میں روسی اثر و رسوخ بڑھ چکا ہے اور امریکی شہری اب روس کی حمایت کر رہے ہیں. انہوں نے دعویٰ کیا کہ امریکی شہری روس کے خیالات کو امریکی میڈیا میں پھیلا کر روس کی مدد کر رہے ہیں۔