جرمنی، فرانس، پولینڈ نے روس سے مذاکرات کا مطالبہ کردیا
برسلز (انٹرنیشنل ڈیسک)
جرمنی، فرانس اور پولینڈ کے رہنماؤں نے برلن میں ایک اجلاس کے بعد ایک مشترکہ بیان میں کہا ہے کہ برلن، پیرس اور وارسا ماسکو پر زور دے رہے ہیں کہ وہ یورپی سلامتی کے مسائل پر بات چیت شروع کرے اور یوکرین کی صورتحال کے تناظر میں جاری کشیدگی کو کم کرنے میں مدد کرے. جرمن چانسلر اولاف شولز، فرانسیسی صدر ایمانوئل میکرون اور پولینڈ کے صدر آندرے ڈوڈا برلن میں ویمار ٹرائینگل کے سربراہی اجلاس کے لیے اکٹھے ہوئے، یہ سہ فریقی گروپ 28-29 اگست 1991 کو تشکیل دیا گیا تھا اور ابتدائی طور پر پولینڈ کو یورپی یونین اور نیٹو کے قریب لانے کے لیے ڈیزائن کیا گیا تھا۔
اطلاعات کے مطابق ویمار ٹرائینگل (جرمنی، فرانس اور پولینڈ) کے سربراہان مملکت اور حکومتوں نے یورپی اور ٹرانس اٹلانٹک سیکورٹی فن تعمیر کو مضبوط بنانے کے مقصد کے لیے مشترکہ کوششوں کے لیے اپنے عزم پر زور دیا۔ تینوں ممالک نے یورپ کی سلامتی کو یقینی بنانے کے لئے روس سے مزاکرات شروع کرنے کا مطالبہ کردیا.