آئندہ سردیوں میں گیس کہاں سےملے گی، کوئی بندوبست نہیں، جرمنی
برلن (انٹرنیشنل ڈیسک)
جرمنی کے وائس چانسلر نے کہا ہے کہ اگلے موسم سرما میں ان کے ملک کو گیس کی فراہمی ابھی تک یقینی نہیں ہے۔ رابرٹ ہیبیک جو معیشت اور آب و ہوا کے وزیر کے طور پر بھی خدمات انجام دیتے ہیں، نے ڈومینو اثر ہونے کو مسترد نہیں کیا ہے، جس میں گیس سپلائی فراہمی کو دھچکا لگا ہے جس کی وجہ سے دیگر تنصیبات میں بھی بحرانی کیفیت شروع ہو سکتی ہے. ہیبیک نے جرمن ریڈیو سٹیشن Deutschlandfunk کے ساتھ ایک انٹرویو میں کہا کہ اگر ہمیں مزید گیس کی سپلائی نہیں ملتی ہے … اور روس سے ڈیلیوری بند کر دی جاتی ہے یا روک دی جاتی ہے، تو ہمارے پاس اپنے تمام گھروں کو گرم رکھنے اور اپنی تمام صنعت کو چلانے کے لیے کوئی متبادل بندوبست نہیں ہوگا.
یہ انتباہ ان کے خلیج فارس کے دورے سے پہلے آیا ہے، جو آنے والے ہفتے کو شروع ہو رہا ہے۔ قطر میں، مائع قدرتی گیس کے دنیا کے سب سے بڑے برآمد کنندگان میں سے ایک، ہیبیک نے امیر شیخ تمیم بن حمد الثانی اور دیگر سرکاری حکام سے ملاقاتیں کرنا ہیں۔ پیر کو ان کی متحدہ عرب امارات کے وزراء کے ساتھ بات چیت میں شرکت متوقع ہے۔ یہ دورہ جرمنی کی گیس کی درآمدات کو متنوع بنانے کی کوششوں کا حصہ ہے کیونکہ وہ یوکرین کے ساتھ تنازع میں تازہ ترین اضافے کے تناظر میں روس پر اپنا انحصار کم کرنا چاہتا ہے۔ اس ہفتے کے شروع میں، ہیبیک نے اسی طرح کے مشن پر ناروے کا سفر کیا۔