یورپ کو مفت گیس فراہم نہیں کرسکتے، روس
ماسکو(صداۓ روس)
کریملن کے ترجمان دیمتری پیسکوف نے PBS کو بتایا کہ اگر یورپی یونین کے ممالک روبل میں گیس کی ادائیگی سے انکار کرتے ہیں تو ماسکو کا خیراتی کاموں میں مشغول ہونے اور یورپ کو مفت گیس فراہم کرنے کا کوئی ارادہ نہیں ہے۔ یہ پوچھے جانے پر کہ کیا روس یورپ کو گیس کی برآمدات روک دے گا اگر یورپی یونین کے ممالک روبل میں ادائیگی کرنے سے انکار کر دیں تو پیسکوف نے کہا مجھے نہیں معلوم کہ جب وہ اس امکان کو مسترد کر دیتے ہیں تو کیا ہونے والا ہے۔ انہوں نے کہا کہ جیسے ہی ہمارے پاس کوئی حتمی فیصلہ ہو جائے گا تب ہم دیکھیں گے کہ کیا کیا جا سکتا ہے۔ یقینی طور پر ہم گیس یورپ کو خیرات نہیں کریں گے اور مغربی یورپ کو گیس مفت نہیں بھیجیں گے۔
کریملن کے ترجمان نے زور دیا کہ اگر روبل کوئی ادائیگی نہیں کرے گا تو کوئی گیس نہیں ملے گی. جب یہ پوچھا گیا کہ ماسکو اس حقیقت کے بارے میں کتنا فکر مند ہے کہ گیس کے لیے اس کے کچھ بہترین صارفین یعنی جرمنی روس سے منہ موڑ رہے ہیں پیسکوف نے کہا ہم اسے حقیقت میں نہیں دیکھنا چاہیں گے۔ روسی صدر ولادیمیرپوتن نے 23 مارچ کو غیر دوست ممالک کو روسی گیس کی سپلائی کے لیے روبل میں چارج شروع کرنے کی ہدایات دیں۔ روس نے مغربی غیر دوست ممالک پر واضح کر دیا ہے کہ اگر پیسے ادا نہیں کریں گے تو گیس کی فراہی نہیں کی جائے گی. روس نے حکم دیا ہے کہ 31 مارچ سے گیس کی ادائیگی صرف روبل میں وصول ہوگی.