برطانوی فوجی یوکرین پہنچ گئے، یوکرینی فوجیوں کو تربیت دیں گے
کیف(انٹرنیشنل ڈیسک)
یوکرین کے کمانڈروں نے لندن ٹائمز کو بتایا کہ فروری میں روسی فوجی کارروائی شروع ہونے کے بعد برطانوی SAS فوجیوں نے پہلی بار یوکرینی افواج کو تربیت دی ہے۔ برطانیہ کے انسٹرکٹرز کو اس سے قبل ملک سے واپس بلا لیا گیا تھا، دو ماہ قبل جب نیٹو کے رکن ممالک روسی حملے کی توقع کر رہے تھے۔ برطانوی اب مقامی لوگوں کو NLAWs کا استعمال کرنے کا طریقہ سکھانے کے لیے واپس آ گئے ہیں، برطانوی فوجیوں کی جانب سے یوکرینی فوجیوں کو برطانیہ کی طرف سے فراہم کردہ کندھے سے فائر کیے جانے والے اینٹی ٹینک میزائل لانچرز کی تربیت دی جائے گی.
لندن ٹائمز نے انکشاف کیا ہے کہ برطانوی وزیراعظم کے غیر اعلانیہ دورے کے بعد اب برطانوی فوجی یوکرین پہنچ گئے ہیں اور کییف کے اطراف میں یوکرین فوجیوں کو جدید ترین ہتھیار چلانے کی تربیت فراہم کر رہے ہیں۔ برطانوی وزیراعظم کے دورہ یوکرین کے بعد ان کے دفتر نے ایک اعلامیہ جاری کیا تھا جس میں کییف کے ساتھ یکجہتی کا اظہار کرتے ہوئے، کہا گیا تھا کہ برطانیہ ایک سو بیس بکتر بند گاڑیاں اور بحری جہازوں کو تباہ کرنے والا میزائل سسٹم یوکرین کو فراہم کرنے کا ارادہ رکھتا ہے۔