روس نے ابھی تک یوکرین میں طاقت کا استعمال نہیں کیا، صدرپوتن
ماسکو(صداۓ روس)
روس یوکرین کے ساتھ امن مذاکرات میں شامل ہونے کے لیے تیار ہے، صدر ولادیمیر پوتن نے جمعرات کو خبردار کیا کہ جو لوگ ایسے امکانات کو مسترد کرتے ہیں انہیں یہ سمجھ لینا چاہیے کہ جاری تنازعے کو طول دینے سے ایسے مذاکرات مزید مشکل ہو جائیں گے۔ ہم امن مذاکرات سے انکار نہیں کرتے، لیکن جو انکار کرتے ہیں انہیں معلوم ہونا چاہیے کہ وہ جتنا لمبے عرصے تک مذاکرات کریں گے، اتنا ہی مشکل ہو جائے گا، پوتن نے ان لوگوں کے لیے انتباہ جاری کرتے ہوئے کہا جو یہ سمجھتے ہیں کہ روس اس فوجی آپریشن کے دوران تھک چکا ہے، میں یہ بات واضح کر دیتا ہوں کہ روس نے ابھی تک یوکرین میں کچھ بھی نہیں کیا.
روسی صدر نے کہا کہ ایسا لگتا ہے کہ مغرب دراصل آخری یوکرینی شہری کی املاک کی تباہی تک لڑنے کے لیے تیار ہے اور یہ یوکرائنی عوام کے لیے ایک “المیہ” ہے۔ روسی صدر نے امریکہ کی قیادت میں نیٹو پر جاری تنازعے کا الزام عائد کرتے ہوئے اس بات پر زور دیا کہ روس کی جانب سے ایک منصفانہ بین الاقوامی سلامتی کا نظام بنانے کی مسلسل کوششیں خطرے میں پڑ گئی ہیں۔ صدر پوتن کے مطابق میزائل دفاع پر مل کر کام کرنے کے اقدامات کو مسترد کر دیا گیا ہے، نیٹو کی توسیع کی ناقابل قبول انتباہات، خاص طور پر سابق سوویت جمہوریہ میں نیٹو کی تنصیبات کی موجوددگی کے روسی تحفظات کو یکسر نظر انداز کر دیا گیا ہے.