مغرب کی وجہ سے عالمی تنازعات کا خطرہ بڑھ رہا ہے، روسی وزیر خارجہ
ماسکو (صداۓ روس)
روس کے وزیر خارجہ سرگئی لاوروف نے کہا ہے کہ مغربی اقلیت نے دنیا میں ایک سنگین بحران کو ہوا دی ہے، جس سے ایک ہمہ گیر عالمی تنازع کے بڑھتے ہوئے خطرے کو جنم دے رہا ہے۔ روس کے اعلیٰ سفارت کار نے (اقوام متحدہ کے چارٹر کے اصولوں کا ان کی مکمل اور باہم مربوط ہونا عالمی امن اور استحکام کی ضمانت ہے) عنوان سے ایک مضمون میں کہا کہ مغربی اقلیت کی جارحانہ، خود غرضانہ پالیسی نے بین الاقوامی تعلقات میں سنگین بحران پیدا کر دیا ہے جو دنیا کو ایک ایسے موڑ کی طرف دھکیل رہی ہے جہاں تباہی کے سوا کچھ بھی نہیں.
لاوروف کے مطابق موجودہ صورتحال سے نکلنے کا راستہ موجود ہے اور وہ یہ کہ مغرب اپنی پالیسی تبدیل کرے اور فوری طور پر اسرائیل فلسطین جنگ بندی میں اپنا کردار ادا کرے.۔ انہوں نے زور دے کر کہا کہ ہر ایک کو تاریخی تناظر میں دنیا کی تقدیر کے لیے اپنی ذمہ داری کو پوری طرح سے تسلیم کرنا چاہیے.
روسی وزیر خارجہ نے اس بات کی نشاندہی کی کہ تقریباً ٨٠ سال قبل اقوام متحدہ کے چارٹر پر دستخط کرتے وقت عالمی رہنماؤں نے تمام ممالک کی برابری کا احترام کرنے پر اتفاق کیا اور ان کی مستحکم، محفوظ ترقی کی ضمانت کے طور پر ایک مساوی اور متعدد مرکزی عالمی نظام کی ضرورت کو تسلیم کیا۔ انہوں نے اس بات پر زور دیا کہ عالمی سطح پر اکثریت ممالک کی بڑھتی ہوئی تعداد اپنی خودمختاری کو مضبوط بنانے اور اپنے قومی مفادات، روایات، ثقافت اور طرز زندگی کا دفاع کرنے کی کوشش کر رہی ہے۔