روس میں فوجی طیارہ فنی خرابی کے باعث گر کرتباہ
ماسکو (صداۓ روس)
انٹرفیکس نیوز ایجنسی کے مطابق روسی وزارت دفاع کے حوالے سے بتایا گیا ہے کہ Tu-22M3 اسٹریٹجک بمبار طیارہ صبح کے وقت جنوبی سٹاوروپول کے علاقے میں گر کر تباہ ہوا۔ روسی وزارت دفاع نے اعلان کیا کہ بمبار کے چاروں پائلٹوں نے چھلانگ لگا دی جن میں سے تین کو بچا لیا گیا، اور چوتھے پائلٹ کی تلاش جاری ہے۔ بتایا گیا ہے کہ حادثہ فنی خرابی کے باعث پیش آیا۔ یہ حادثہ اس وقت پیش آیا جب طیارہ ایک جنگی مشن کے بعد اپنے ہوم بیس پر واپس جا رہا تھا۔ حادثے کے وقت اس میں گولہ بارود نہیں تھا۔
علاقائی گورنر ولادیمیر ولادیمیروف نے رپورٹ کیا کہ عملے کا ایک رکن ہلاک اور دو کو محفوظ مقام پر منتقل کر دیا گیا۔ عملے کا چوتھا رکن لاپتہ ہے۔ کئی ویڈیوز آن لائن گردش کر رہی ہیں جن کا مقصد حادثے کے لمحے کو ظاہر کرنا ہے۔ اس حادثے کی وجوہات جاننے کے لئے تحقیقات شروع ہو چکی ہیں.