چین کے صدر ویت نام کے اہم دورے پر
ماسکو (انٹرنیشنل ڈیسک)
چین کے صدر شی جن پھنگ ویتنام کمیونسٹ پارٹی کی مرکزی کمیٹی کے جنرل سیکریٹری نگوین فو ٹرونگ اور ویتنام کے صدر وو وان تھان کی دعوت پر ویتنام کے سرکاری دورے پر خصوصی طیارے کے ذریعے ہنوئی پہنچے۔ شی جن پھنگ کی آمد پر ویتنام کے وزیر اعظم فام من چن، سی پی وی سینٹرل کمیٹی کے پولیٹیکل بیورو کے رکن اور سی پی وی سینٹرل کمیٹی کے وزیر داخلہ پھان دین ٹرونگ، سی پی وی سینٹرل کمیٹی کے سیکرٹریٹ کے رکن اور سینٹرل کمیٹی کے وزیر خارجہ لی ہوئی ٹرونگ اور دیگر ویتنامی پارٹی اور حکومتی رہنماؤں اور مقامی نمائندوں نے گینگ وے پرشی جن پھنگ کا گرمجوشی سے استقبال کیا۔
چینی صدر اور کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکریٹری شی جن پھنگ نے کہا کہ وہ ویتنامی رہنماؤں کے ساتھ دونوں ممالک اور جماعتوں کے درمیان تعلقات کی سمت کے بارے میں اہم اور اسٹریٹجک امور پر تفصیلی تبادلہ خیال کریں گے۔